Нүүр / Бүтээгдэхүүн
Бүтээгдэхүүн
Ургамал хамгааллын бодис
Бид ургамал хамгааллын бодис, бордоо болон стандартын дагуу рулондож бэлдсэн сайн чанарын холимог ногоон тэжээлийг санал болгож байна.
БРОМАДИОЛОН
Үйлчлэх бодис: Бромадиолон, 0.5%
Зориулалт: Бэлчээр, тариалангийн болон агуулахын хөнөөлт мэрэгчдийг устгах. /харх, хулгана/
Хэрэглэх заавар: Агуулахад: 10-15гр бодисыг 10 м2 талбайд тооцож хэрэгэлэнэ.
Газар тариаланд: 1л/га бодисыг 3-4 л усанд найруулан 65-70 кг буудайнд шингээж 1 га талбайд цацаж хэрэглэнэ.
ТЕБУ 60, МЭ
Үйлчлэх бодис: Тебуконазол, 60 г/л
Зориулалт: Үр тарианы таримал болох буудай, арвай, хошуу будааны мөөгөнцрийн өвчний эсрэг үрийг ариутгах, урьдчилан сэргийлэх зориулалттай.
Ялгагдах давуу чанар: Үр тарианы мөөгөнцөрийн өвчний эсрэг урьдчилан сэргийлэх, эмчлэх, устгах, дотоод үйлчилгээтэй үр ариутгалын бодис. Үрийн тарималд сонгомол үйлчилгээ агуулдаг тул үрийн соёололтонд сөрөг нөлөө үзүүлэхгүй
Хэрэглэх заавар: Үр тарианы таримал буудай, арвай, хошуу будааны мөөгөнцөрийн өвчин болох хатуу харуу, тоосон харуу, хуурамч тоосон харуу, чулуут харуу, гельминтоспориоз ба фузариозын үндэсний илжрэл, үрийн хөгц, септориоз зэрэг өвчний эсрэг 0.4-0.5 л/тн тунгаар үрийг ариутган хэрэглэнэ.
ГЛИФОСАТА 54%, IPA SL
Зориулалт: Газар тариалан, хөдөө аж ахуйн зориулалттай бүх талбайн химийн уринш хийхэд хамгийн тохиромжтой. Үет болон хос үрийн талт хог ургамалд үйлчилдэг өндөр ашигтай гербицид юм. Глифосата 54% гербицидийг химийн уринш бэлтгэх, тариалалтын өмнө цацаж хэрэглэнэ.
Ялгагдах давуу чанар: Калийн давс хэлбэрийн глифосат нь хурдан шингэх нөхцөлийг хангах ба хог ургамалд идэвхтэй бодис нь хурдан тархаж ургамлын эд эрхтний үндсэн системд хүрнэ. Бүх төрлийн таримлын иш навчаар дамжин ургамлын үндсэнд хүрч хогийн ургамлыг бүрэн устгана. Өөр төрлийн бодистой хольж хэрэглэж болно. Хөрсөнд идэвхтэй хадгалалдагддаггүй учраас дараа нь таригдаж буй тарималд нөлөө үзүүлэхгүй.
Хэрэглэх заавар: Тариалалтын өмнө 1.5л/га, уриншийн талбайд 3л/га тунгаар 100-150 литр усанд ажлын уусмалаа бэлтгэн 1 га талбайд цацаж хэрэглэнэ.
ПУМА-СУПЕР, ЭМВ
Зориулалт: Үр тарианы талбайн үет болон нэг наст хог ургамлын эсрэг сонгомол, дотоод үйлчилгээтэй соёололтын дараах гербицид.
Ялгагдах давуу чанар: Ургамлын газрын дээрх хэсгээр хурдан тархаж, хүчтэй үйлчилгээ үзүүлнэ. Өөр төрлийн бодистой хольж хэрэглэж болно. Хөрсөнд идэвхтэй хадгалагддаггүй учраас дараа таригдах ургамалд нөлөө үзүүлэхгүй.
Хэрэглэх заавар: Буудай, арвай тариалсан талбайд нэг наст хонгио хошуу будаа, ногоон хоног будаа, тарианы хар будааны эсрэг хог ургамлын 2-4 навчтай үед нь ургамал ургалтын хугацаанд шүршиж хэрэглэдэг гербицид бөгөөд 1 га талбайд 0.8-1 литр хэрэглэнэ. Бэлдмэл хэрэглэснээс хойш 1-3 цагийн дараа иш, навчаар нэвтрэн орж ургамлын өсөлтийн цэгт хуримтлагдан өсөлтийг зогсоож үхүүлдэг. Гербицид цацсанаас хойш хог ургамлын иш, навчин дээр анхны шинж тэмдэг 3-7 хоногийн дараа илэрнэ. Цаг агаарын нөхцөлөөс хамаараад 10-15 хоног болоод үет хог ургамал бүрэн үхнэ.
АЛМАЗИС, ВДГ
Зориулалт: Үет болон хос үрийн талт хог ургамалд үйлчилдэг өндөр үр ашигтай гербицид юм.
Ялгагдах давуу чанар: Гербицид нь хог ургамлын эд эрхтнээр дамжин нэвтэрсэн мөчөөс эхлэн ургац хураах хүртэл хамгаалах үйлчилгээ үзүүлнэ. Гербицидийн үр дүн нь цаг агаарын нөхцөлөөс хамааран 7-21 хоногийн дараа гарна. Ургамлын иш навчаар дамжин хог ургамлыг устгах бөгөөд ургамлыг устгах хугацаа нь удаан явагдах ба эхлээд газрын дээд хэсэг нь хүрэнтэж шарлаж аажмаар газрын доод хэсэг нь хатаж эхэлнэ. Алмазис гербицид нь халуун цуст амьтанд хор багатай, чийгийн улаан өт, хөрсний жижиг амьтан, шувуу зэрэгт хор нөлөөгүй, зөгийнд аюул бага зэрэг учруулдаг. Өөр төрлийн бодистой хольж хэрэглэж болно.
Хэрэглэх заавар: Энэхүү бодис нь нэг болон олон наст хос үрийн талт арзгар азаргана, хөдөөгийн шаралзгана, цагаан лууль, урвуу гагдай, чөдөр сэдэргэнэ, эгэл гаймуу, гинжин өрөмтүүл гэх мэт хог ургамлын эсрэг зусах буудай, арвай хошуу будаа, өвөлжих арвай зэрэг таримал тариалсан талбайд, таримал ургамлын бутлалтаас гол хатгалтын үед хэрэглэнэ. Өргөн навчит хогийн ургамал болон зарим нэг наст өвс ургамлыг устгахад тариалалтын өмнө ба дараа нь га-д 8-10 грамм байхаар тооцож хэрэглэнэ. Ургамлын үндэс болон нахианы эсийн хуваагдлыг таслан зогсоох маш сайн үйлчилгээтэй. Нэг наст ургамлыг 2-4 навчтай үед, олон наст ургамлыг 2 навч үүсэхээс өмнө хэрэглэнэ.
ГРАНАТ, ВДГ
Зориулалт: Үр тарианы талбайн нэг наст хос үрийн талт хог ургамлын эсрэг бутлалтаас гол хатгалтын үед 15-20 г/га тунгаар зааврын дагуу хэрэглэнэ.
2.4 – Д БУТИЛИЙН ЭФИР
Зориулалт: Буудайн талбайн хос үрийн талт хог ургамлын эсрэг 0.6-1.2 г/га тунгаар бутлалтаас гол хатгалтын үед зааврын дагуу хэрэглэнэ.
Лорнет BP
Зориулалт: Үр тарианы талбайн хос үрийн талт хог ургамлын эсрэг, чихрийн манжин, олс, гүзээлзгэнэ, зусах болон өвөлжих рапсын талбайд, буудайн бутлалтаас гол хатгалтын үед 0.16-0.66л/га, чихрийн манжингийн 3 жинхэнэ навчтай үед 0.3-0.5л/га, рапсын 3-4 жинхэнэ навчтай үед 0.3-0.4л/га тунгаар зааврын дагуу хэрэглэнэ.
ФОРВАРД, МКЭ
Зориулалт: Чихрийн манжин, шар манжин, зусах ба өвөлжих рапс, шар буурцаг, наранцэцэгийн талбайн үет нэг болон олон наст хог ургамлын эсрэг га -д 0.9-1.2 л/га тунгаар 1 наст хог ургамлын 2-4 навчтай, олон наст мөлхөө хиагийн өндөр 10-15 см болсон үед зааврын дагуу хэрэглэнэ.
Манай үйлчилгээг сонирхож байна уу?
Та манай компанитай холбогдож дэлгэрэнгүй мэдээлэл авна уу
Холбоо барих